Fréttir - Vífilfell

Nýjar fréttir

Eldri fréttir

Vífilfell og Valur gera með sér samstarfssamning til næstu 4 ára

19. janúar 2010

Knattspyrnufélagið Valur og Vífilfell hf. undirrituðu síðastliðinn mánudag samstarfssamning til næstu fjögurra ára. Vífilfell verður með samningnum einn helstu bakhjarla Vals og styður þannig við öflugt starf félagsins í fjölmörgum íþróttagreinum og mun Valur bjóða vörur Vífilfells til sölu í aðstöðu sinni að Hlíðarenda. Vífilfell hefur í gegnum árin starfað náið með íþróttahreyfingunni í landinu og er bakhjarl fjölmargra íþróttafélaga og –hreyfinga. Vífilfell kappkostar að bjóða upp á breiða flóru drykkjavara, m.a. fjölbreytt úrval vatns, safa og próteindrykkja, sem henta einkar vel íþróttafólki.

„Það er okkur mikið ánægjuefni að ná samningum við Valsmenn og styðja þar með við bakið á því umfangsmikla og kröftuga starfi sem þar er unnið. Þessi samningur undirstrikar enn þann vilja okkar að taka þátt í að hlúa að því frábæra grasrótar- og afreksstarfi sem íslensk íþróttafélög og sambönd standa að“ sagði Árni Stefánsson, forstjóri Vífilfells við undirritun samningsins.

„Við erum virkilega ánægðir með samninginn og berum miklar væntingar til samstarfs við jafn öflugt fyrirtæki og Vífilfell. Knattspyrnufélagið Valur er metnaðarfullt íþróttafélag og sá öflugi stuðningur sem félagið fær með samstarfi þessu er okkur mjög mikilvægur. Við erum vissir um að samstarfið verður gæfuríkt fyrir báða aðila.“ sagði Hörður Gunnarsson, formaður Vals.

Á meðfylgjandi mynd má sjá þá Árna og Hörð við undirritunina að Hlíðarenda.

Áframhaldandi samstarf Vífilfells og KSÍ

15. janúar 2010

Vífilfell og Knattspyrnusamband Íslands undirrituðu í vikunni samkomulag um áframhaldandi samstarf til næstu fjögurra ára. Í samningnum felst stuðningur Vífilfells við starfsemi KSÍ á öllum sviðum og nær samningurinn m.a. til allra landsliða Íslands af báðum kynjum.

Vífilfell hefur verið í lykilhlutverki sem einn af aðalsamstarfsaðilum KSÍ síðustu fjögur árin og með samkomulaginu sem undirritað var í gær er ljóst að Vífilfell verður áfram Alltaf í boltanum með KSÍ.

Það voru þeir Geir Þorsteinsson, formaður KSÍ og Haukur Sörli Sigurvinsson, vörumerkjastóri Coca-Cola sem undirrituðu samkomulagið í höfuðstöðvum KSÍ

Jólalest Coca-Cola

14. desember 2009

Jólalest Coca-Cola fór af stað í 14 skiptið á laugardaginn síðastliðin,

þökkum öllum þeim sem komu að lestinni með einum eða öðrum hætti,

starfsfólki Vífilfells, Lögreglu höfuðborgarsvæðisins, Hjálparsveit skáta Reykjavík,

Hurðaskelli og síðast en ekki síst þeim sem lögðu leið sína til að berja lestina augum.

Því miður gaf rafstöð sem keyrir hljóðkerfið sig rétt áður en komið var á Laugarveg

og varð það til þess að ekkert hljóð var á lestinni niður hann. Nýrri rafstöð var komið

fyrir á Eiðistorgi, en því miður var ekki hægt að laga þetta vandamál fyrr og því fór sem fór.

Biðjumst við velvirðingar á þessu þar sem lestin er ekki söm án ljúfra jólatóna, þótt ljósadýrðin

hafi eftir sem áður notið sín vel.

Jólalestin verður að sjálfsögðu keyrð aftur að ári, og þá vonandi enn glæsilegri en fyrr, bæði í hljóði og ljósum. Hlökkum til að sjá ykkur öll aftur þá.

Gleðileg jól.